Effro

Fel rhan o Platfform, elusen gofrestredig ar gyfer iechyd meddwl a newid cymdeithasol, nid ydym yn codi unrhyw beth am y gwasanaethau rydyn ni'n eu cynnig yn Effro. Ariennir ein gwaith gan Lywodraeth Cymru.

Os ydych chi neu rywun rydych chi'n poeni amdano yn byw gyda dementia, cysylltwch â'n tîm i gael y wybodaeth sydd ei hangen arnoch i wneud atgyfeiriad. Ar hyn o bryd rydym yn cynnig ein gwasanaethau yng Nghaerdydd, Bro Morgannwg, Pen-y-bont ar Ogwr, Rhondda Cynon Taf a Merthyr Tudful.

Rydyn ni'n ceisio cadw ein hamseroedd aros mor fyr â phosib. Byddwn yn cydnabod eich atgyfeiriad cyn gynted ag y bydd yn dod i law ac yn rhoi syniad o'r amser aros yn fuan wedi hynny.

Mae ein sesiynau cefnogi grŵp yn rhedeg unwaith yr wythnos dros gyfnod sydd rhwng pump a 10 wythnos. Mae pob sesiwn grŵp yn para oddeutu awr a hanner. Nid oes terfyn amser ar ein cefnogaeth i unigolion – mae faint o gefnogaeth a roddwn i unigolion yn cael ei hadolygu’n rheolaidd gan ein gweithwyr achos. Ar gyfartaledd, rydym yn darparu dwy awr o gefnogaeth yr wythnos i bob unigolyn.

Un o'r ffyrdd gorau o gefnogi ein gwaith yw dod yn wirfoddolwr a dechrau helpu pobl sy'n byw gyda dementia yn eich cymuned. Fel arall, efallai yr hoffech roi rhodd. Cysylltwch â ni am fanylion ar sut i wneud hyn.

Y peth pwysicaf yw peidio â mynd i banig. Dechreuwch trwy wneud apwyntiad gyda'ch meddyg teulu i drafod eich pryderon. Yna gallant eich cyfeirio at glinig cof arbenigol neu wasanaeth tebyg.